ریاست اتر پردیش کے دارالحکومت لکھنؤ کے گولہ گنج علاقے میں مدرسہ کے ایک مولانا اور دو طلبا کی سڑک حادثے میں موقع پر ہی موت ہوگئی۔
اطلاعات کے مطابق 'گولہ گنج علاقے میں واقع شیعہ سماج کا معروف مدرسہ تنظیم المکاتب کے طلبا کار سے گھر جا رہے تھے۔ اعظم گڑھ کے اترولیہ کے پاس کار اور ٹرک کی ٹکر ہو گئی۔ گاڑی میں موجود مدرسہ کے مولانا محمد علی محمدی اور دو طلبا کی موقع پر ہی موت ہو گئی جبکہ گاڑی کا ڈرائیور اور دوسرے لوگ شدید طور پر زخمی ہیں۔'
زخمیوں کو علاج کے لیے ضلع ہسپتال اعظم گڑھ میں داخل کرایا گیا ہے۔
مدرسہ کے سبھی طلبا ضلع مئو کے کوپال گنج کے باشندے تھے اور یہ لوگ لاک ڈاؤن کے بعد اپنے گھر واپس جارہے تھے۔
پولیس نے موقع پر پہنچ کر لاشوں کا پنچنامہ کر پوسٹ مارٹم کے لئے بھیج دیا ہے۔
واضح رہے کہ 'اس سے پہلے بھی اتر پردیش کے اوریہ ضلع میں سڑک حادثہ میں 24 مزدور ہلاک ہو گئے تھے۔'
