ریاست اترپردیش کے کوشامبی ڈسٹرکٹ پولیس نے لوگوں سے لاک ڈاؤن کے دوران گھروں میں رہنے کی اپیل کی۔
ایک طرف جہاں گائوں میں ڈگی بجا کر لوگوں کو آگاہ کیا گیا، وہیں شہروں میں فلیگ مارچ کے ذریعے لاک ڈاؤن کی خلاف ورزی نہ کرنے کی اپیل کی گئی۔
دراصل ہفتے کے روز گاؤں سے شہروں تک پولیس اہلکاروں نے فلیگ مارچ کیا اور لوگوں کو گھروں میں رہنے کی ہدایت کی۔
سی او کی قیادت میں ضلع کی تینوں تحصیلوں میں یہ فلیگ مارچ نکالا گیا تھا۔ سڑکوں پر پولیس افسران نے دکانداروں کو معاشرتی دوری کا پورا خیال رکھنے کی ہدایت دی۔
ایک طرف شہروں میں پولیس اہلکار مائیک سے اپیل کر رہے ہیں تو وہیں دوسری طرف گاؤں میں بھی دیہاتیوں کو آگاہ کیا جارہا ہے۔
