ریاست اترپردیش میں کوروناوائرس سے متاثر مریضوں کی تعداد میں اضافہ ہوتا جا رہا ہے، پہلے جہاں اس وائرس کی زد میں سب سے زیادہ آگرہ میں تھے، لیکن اب نوئیڈا (گوتم بدھ نگر) میں اس وائرس کے مریض میں سب سے زیادہ ہو گئے ہیں۔
واضح رہے کہ نوئیڈا میں 38، آگرہ میں 11، غازی آباد میں سات، میرٹھ میں 19، اور دارالحکومت لکھنؤ میں نو لوگ اس وائرس کی زد میں ہیں۔
اس کے علاوہ دس اضلاع میں ایک ایک اور کسی کسی میں دو لوگ متاثرین ہیں، تاہم لکھنؤ کی بات کی جائے تو یہاں پر گذشتہ چار دنوں سے ایک بھی نیا کیس نہیں آیا تھا، لیکن آج ایک نئے کیس کے آنے کے بعد یہاں پر کل تعداد نو ہوگئی، جبکہ بڑی تعداد میں لوگوں کی رپورٹ نگیٹیو آئی ہے۔
وزیراعلیٰ یوگی آدتیہ ناتھ نے کروناوائرس کے پیش ںطر میٹنگ کر رہے تھے، جس میں گوتم بدھ نگر میں مریضوں کی تعداد میں اضافہ کو لےکر وہاں کے ڈی ایم بی این سنگھ پر کافی ناراض ہوئے۔
اس کے بعد ضلع مجسٹریٹ بی این سنگھ نے ایک تحریر بیان میں کہا کہ 'میں ذاتی طور پر ڈی ایم کے عہدے پر نہیں رہنا چاہتا، لہذا اس کی ذمہ داری کسی دوسرے آفیسر کو دیدی جائے'۔
اس کے بعد وہاں پر 2007 بیچ کے آئی اے ایس آفیسر سوہاس ایل وائی گوتم بدھ نگر کا نیا ڈی ایم بنایا گیا۔
وزیراعظم نریندرمودی نے کورونا وائرس کی کڑی کو توڑنے کے لیے ملک میں 21 دنوں کے لاک ڈاؤن کا اعلان کردیا، لیکن اس دوران بڑے شہروں سے مزدور طبقے کے لوگ پیدل ہی اپنے گھروں کے لیے نکل پڑے۔
ان حالات میں بھارت میں کرونا وائرس کے کتنے مریض ہوں گے؟ یہ کہنا مشکل ہوگا، کیونکہ جو لوگ شہروں سے گاؤں کی جانب واپس کارہے ہیں، جب ان کی مکمل جانچ ہو گی، تبھی تصویر صاف ہوگی۔