ریاست اُتر پردیش کی دارالحکومت لکھنؤ میں کورونا کے معاملے میں مسلسل اضافہ ہو رہا ہے ہر روز بڑی تعداد میں کرونا کے مثبت معاملے سامنے آرہیں ہیں جس کو دیکھتے ہوئے ڈی ایم ابھیشیک پرکاش نے سینیٹائزیشن کروانے کے لیے ہیلپ لائن نمبر 0522-2307770 جاری کیا ہے۔
انہوں نے کہا کہ 'اس نمبر پر کوئی بھی کورونا مثبت افراد فون کر کے اپنے گھر، اپارٹمنٹ يا کالونی میں سینیٹائزیشن کروا سکتا ہے۔ اس دوران ڈی ایم نے یقین دلایا کہ فون کرنے کے 12 گھنٹے کے اندر سینیٹائزیشن کرا دیا جائے گا۔
لکھنؤ ڈی ایم ابھیشیک پرکاش نے امید ظاہر کرتے ہوئے کہا کہ 'اس ہیلپ لائن نمبر سے عوام کو راحت ملے گی۔ انہوں نے کہا کہ 'اب یہ شکایت نہیں ہوگی کہ کورونا مثبت نکلنے کے باوجود بھی انتظامیہ کی جانب سے سینیٹائزیشن نہیں کیا گیا۔ اب دیکھنا ہوگا کہ ہیلپ لائن نمبر عوام کی امیدوں پر کتنا کارگر ثابت ہوتا ہے۔
