ریاست اترپردیش میں ضلع لکھیم پور کھیری کے بربر گاؤں میں قتل کا عجیب واقعہ سامنے آیا ہے۔ شوہر نے محض کڑک چائے نہ بنانے پر بیوی کا چاقو سے بے رحمی کے ساتھ قتل کردیا۔
اطلاع کے مطابق سوموار کی صبح ببلو نامی شخص نے بیوی سے کڑک چائے بنانے کو کہا، چھ ماہ کی رینو (اس کی بیوی) چائے بنانے اٹھی تو کسی بات کو لے کر جھگڑا ہوگیا۔
معاملہ اتنا بڑھ گیا کہ شوہر ببلو نے باورچی خانے میں رکھے چاقو سے پل بھر میں ہی بیوی کا قتل کردیا اور موقع سے فرار ہوگیا۔
متوفیہ رینو کے چچا رام سنگھ نے بتایا کہ رینو اور ببلو کی شادی 16 برس قبل ہوئی تھی، ان دونوں کے تین بچے ہیں اور رینو 6 ماہ کی حاملہ بھی تھی۔ انہوں نے بتایا کہ ببلو اکثر چھوٹی چھوٹی باتوں پر رینو کو مارتا پیٹتا تھا، آج صبح اس نے غصے میں آکر اتنا بڑا کارنامہ انجام دیا۔
وہیں پولیس کا کہنا ہے کہ یہ قتل چائے نہ بنانے پر ہوا ہے، جس سے گاؤں کے لوگ حیرت و دہشت میں ہیں۔ اس معاملے پر پولیس سپرنٹنڈنٹ پونم نے بتایا کہ چائے کو لے کر ہوئے تنازع میں ببلو نے اپنی بیوی کا قتل کردیا۔
انہوں نے مزید کہا کہ ملزم کو جلد از جلد پکڑ کر گرفتار کیا جائے گا۔ فی الحال اسے پکڑنے کے لیے دبش دی جارہی ہے۔
