بدایوں: کورونا کے دور میں ہولی کا جشن

اترپردیش کے ضلع بدایوں میں کورونا نے ہولی کے تہوار کو متاثر کیا ہے۔ اس برس کورونا کی بڑھتی وبا کو دیکھ کر کم تعداد میں لوگوں نے رنگ کھیلا۔ اسی کے ساتھ 'ہولیکا دہن' یعنی آگ لگانے والے رواج میں لوگوں کی تعداد کم رہی۔

ضلع بدایوں میں اس بار ہولی کے تہوار پر ہولیکا دہن پر لوگوں کی تعداد بہت کم تھی۔ لوگوں نے ہولی کے تہوار کو کورونا کے پیش نظر احتیاط کے ساتھ منایا اور ساتھ ہی بازاروں میں رنگوں کے خریدار بہت کم نظر آئی۔

ہولی کھیلنے والے مقامی افراد اجیت کمار کا کہنا تھا کہ اس بار ہولی میں کورونا کی وجہ سے نہ شراب پی ہے اور نہ ہی کسی طرح کا شور شرابہ کیا ہے۔ اس بار کی ہولی بہت پرسکون انداز میں منائی جا رہی ہے۔ ایک اور فرد کا کہنا تھا کہ اس بار کورونا وائرس نے ہولی پر منفی اثر تو ڈالا ہے لیکن ہم نے 'سوشل ڈسٹنسنگ' یعنی 'سماجی دوری' اور ماسک لگا کر ہولی کا تہوار منایا گیا ہے۔

اگر ہولی میں کورونا کے گائیڈلائن کا خیال نہ رکھا گیا تو کورونا مزید بڑھ سکتا ہے۔ اس وقت ملک بھر میں یومیہ 60 زائد متاثرین سامنے آ رہے ہیں۔
واضح رہے کہ گذشتہ برس سے لاگ ڈاؤن کی وجہ سے تمام مذاہب کے مختلف تہوار متاثر ہوئے تھے۔ اس برس ہولی کا تہوار بھی کورونا کی وجہ سے کافی متاثر رہا۔ اس کی وجہ سے ہولی سے متعلق اشیا کی فروخت بھی متاثر رہی۔