اترپردیش کے ضلع گونڈہ کے نگر کوتوالی علاقے میں کنوئیں میں گرے پچھڑے کو باہرنکالنے کی کوشش میں ایک ہی کنبے کے چار افراد سمیت پانچ افراد کی موت ہوگئی۔
اڈیشنل سپرنٹنڈنٹ آف پولیس مہندر کمار نے منگل کو بتایا 'مہاراج گنج محلے میں واقع ایک کنوئیں میں گرے پچھڑے کو بچانے کے لئے دو سگے اور دو چچیرے بھائی کنوئیں میں اتر گئے لیکن زہریلی گیس کی وجہ سے چاروں کا دم گھٹنے لگا اور وہ پانی میں ڈوب گئے۔ انہیں بچانے کی کوشش میں کنوئیں میں اترے منو نامی ایک دیگر شخص کی بھی موت ہوگئی'۔
متوفی کے نام پر وشنو (35) روی شنکر عرف رنکو (36) ،دنیش عرف چھوٹو (3) ویبھو (18) باشندہ محلہ مہاراج گنج اور منو (35) باشندہ بھدوا ترہر ہیں۔ ان میں روی شنکر اور دنیش سگے بھائی بتائے گئے ہیں جبکہ ویبھو اور وشنو چچیرے بھائی ہیں۔
یہ بھی پڑھیے
آن لائن کیم میں ہار جانے کے بعد لڑکی کا قتل
انہوں نے بتایا 'اطلاع ملنے پر موقع پر پہنچی دمکل کی ٹیم و پولیس کے جوانوں نے لاشیں باہر نکالیں۔ لاشیں پوسٹ مارٹم کے لئے بھیج دی گئی ہیں'۔
ڈسٹرکٹ مجسٹریٹ ڈاکٹر نتن بنسل نے بتایا کہ مہلوکین کے اہل خانہ کو مالی مدد فراہم کی جائے گی۔
