اترپردیش کے ضلع غازی آباد میں غازی آباد ڈیولپمنٹ اتھارٹی کی جانب سے غیر قانونی تعمیرات کے خلاف مسلسل کارروائی جاری ہے، اسی حوالے سے آج زون 3 کے 12 مقامات پر غیر قانونی تعمیرات کو مسمار GDA operation in Ghaziabad کیا گیا۔
اس سلسلے مین جی ڈی اے تحصیلدار اور زون 3 انفورسمنٹ انچارج درگیش سنگھ نے بتایا کہ بالاجی انکلیو میں نریش تومر، کے پی تومر، منوج جین، ستیہ پرکاش، کپل شرما، راجیش چوہان، بلراج اور دیگر لوگوں کے ذریعہ مسلسل غیر قانونی تعمیرات کی جارہی تھیں۔ اس کے ساتھ ہی صدر پور روڈ پر امیت اور سنجے ناگر پی بلاک میں برجیش تیاگی کی طرف سے غیر قانونی تعمیرات کی جا رہی تھیں۔ ان تمام کو ماضی میں بھی غیر قانونی تعمیرات نہ کرنے کے نوٹس دیے گئے تھے لیکن اتھارٹی کی نوٹس کو نظر انداز کرتے ہوئے غیر قانونی تعمیرات کا سلسلہ جاری رہا۔
مزید پڑھیں:
جس پر آج کارروائی کرتے ہوئے تمام غیر قانونی تعمیرات کو مسمار کر دیا گیا۔ انفورسمنٹ انچارج نے کہا کہ غیر قانونی تعمیرات کے خلاف باقاعدہ کارروائی جاری رہے گی۔ اگر کوئی دوبارہ غیر قانونی تعمیرات کرے گا تو اس کے خلاف بھی ایف آئی آر درج کرکے کارروائی کی جائے گی۔
