کورونا وائرس کے پیش نظر میونسپلٹی کے ملازمین میں مفت ماسک تقسیم

کرونا وائرس کی دہشت نے پوری دنیا کو اپنی چپیٹ میں لے رکھا ہے ہر خاص و عام کی زبان پر بس ایک ہی نام ہے اور وہ ہے کورونا وائرس، اس تعلق سے تمام جگہوں پر عوام کو احتیاط برتنے کی گذارش کی جارہی ہے۔

ریاست اترپردیش کے ضلع بجنور میں بجنور میونسپلٹی نے کورونا وائرس سے احتیاط کے پیش نظر چیئرپرسن شمشاد انصاری کی جانب سے مفت میں میونسپلٹی کے ملازمین میں ماسک تقسیم کیے گئے۔

میونسپلٹی کے تمام صفائی عملہ کے ساتھ ساتھ اسٹاف کو بھی چہرے پر ماسک لگانے کا حکم دیا گیا۔

بجنور میونسپلٹی کے چیئرمین شمشاد انصاری کا کہنا ہے کہ جلد ہی بجنور کی عوام میں بھی مفت ماسک تقسیم کیے جائیں اور ساتھ ہی عوام سے اپیل کی جاتی ہے کہ گھر ہو یا باہر سبھی جگہ صفائی ستھرائی کا خصوصی خیال رکھا جائے۔