نوئیڈا:ریاست اتر پردیش کے ضلع نوئیڈا میں یوٹیوبر ایلوش یادو معاملے میں محکمہ جنگلات نے ریاستی اور مرکزی کمیٹی تشکیل دے دی ہے۔چھاپے کے دوران برآمد ہونے والے سانپ کے زہر کو لیب بھجوایا جا رہا ہے تاکہ معلوم کیا جا سکے کہ یہ کس سانپ کا زہر ہے اور تمام 9 سانپوں کے میڈیکل ٹیسٹ کروانے کے احکامات بھی دے دیے گئے ہیں۔سانپوں کا طبی معائنہ چیف ویٹرنری آفیسر کی نگرانی میں کیا جائے گا۔
اگر اس معاملے کا دیگر ریاستوں سے تعلق ہے تو مرکزی محکمہ اس کی تحقیقات کرے گا۔اس کیس سے متعلق وائرل ویڈیوز اور الوش یادیو کے ساتھ سوشل میڈیا پر دکھائے گئے تمام ویڈیوز کے ساتھ ساتھ اس کیس سے متعلق جانوروں سے متعلق تمام ویڈیوز کی تحقیقات کی جارہی ہیں ۔ذرائع کا کہنا ہے کہ کوئی بھی معروف شخصیت جو جنگلی حیاتیات کے ساتھ ویڈیوز بناتے ہوئے نظر آئے اسے بھی پریشانی کا سامنا کرنا پڑ سکتا ہے۔
وہیں دوسری طرف
گوتم بدھ نگر پولس کمشنریٹ لکشمی سنگھ نے بڑی کارروائی کی ہے۔ پولیس کمشنر نے سیکٹر 49 تھانے کے انچارج سندیپ سنگھ چودھری کو لائن حاضر کر دیا ہے۔ اس کی وجہ یوٹیوبر ایلوش یادو کا معاملہ بتایا جاتا ہے۔ دراصل الوش یادو کے معاملے کے بعد نوئیڈا پولس اور کوتوالی سیکٹر-49 پولس کو کافی ہزیمت اٹھانی پڑی ہے۔ اس کے علاوہ الوش یادو کے معاملے سے پہلے سیکٹر 51 میں ایک درجن سے زائد تالے توڑنے جانے کا معاملہ بھی خبروں میں ہے۔ دوسری طرف، نوئیڈا پولیس بھی سوشل میڈیا پلیٹ فارم X پر ٹرینڈ کر رہی ہے۔ جس کے باعث نوئیڈا کی پولیس کمیشنرکافی برہم ہیں۔
یہ بھی پڑھیں:Bulldozer Action In Muzaffarnagar تالابوں پر غیر قانونی قبضے پر چلا بلڈوزر
پولیس کمشنر لکشمی سنگھ نوئیڈا میں مسلسل لوٹ مار، چوری اور بھتہ خوری کے خلاف کارروائی میں ہیں۔ وہ بار بار پولیس والوں سے کہہ رہی ہے کہ چوکس رہیں اور لوگوں کی مدد کے لیے تیار رہیں۔ اس کے باوجود کام میں سستی اور تساہلی سامنے آرہی ہے۔ مسلسل شکایات ملنے کے بعد کمشنر لکشمی سنگھ نے سخت کارروائی کی۔
