سینیئر پولیس سپرنٹنڈنٹ سنیل کمار سنگھ نے ہفتہ کے روز یہاں یہ اطلاع دی۔ انہوں نے بتایا کہ خاندان کے چھ ارکان بذریعہ کار دہلی سے ایٹہ نیا گاؤں علی پور تمرورا گاؤں جا رہے تھے۔ باغ والا علاقے میں نیشنل ہائی وے ۔91 پر ہمت پور گاؤں کے نزدیک ان کی گاڑی سڑک پر کھڑے ٹرک کے پیچھے جا ٹکرائی۔
ٹکر کے بعد گاڑی میں آگ لگ گئی اور ان لوگوں کو باہر نکلنے کا موقع ہی نہیں مل سکا۔ اس دوران خاندان کے پانچ افراد کی جل کر موت ہوگئی۔ اس واقعہ میں 15 سالہ لڑکی ورشا کو سنگین حالت میں آگرہ میڈیکل کالج ریفر کیا گیا ہے۔
انہوں نے بتایا کہ مرنے والوں میں ورشا کے والد سنیل کمار، ماں، ماما، بابا، بھائی شامل ہیں۔ حادثے کی اطلاع کے بعد مسٹر سنگھ خود دیگر افسران اور پولیس فورس کے ساتھ موقع پر پہنچے اور زخمی کو اسپتال بھجوایا۔
