ریاست اترپردیش کے ضلع مظفر نگر کے شہر کوتوالی علاقے کے محلہ کھالہ پار میں واقعے جوہڑ والی مسجد کے قریب امام بارگاہ عارفیان کا ہے، جہاں دیر رات سڑک کنارے رکھے بجلی کی ٹرانسفارمر میں اچانک آگ لگ گئی۔
آگ اتنی خوفناک تھی کہ دیکھتے ہی دیکھتے پاس میں کھڑی ایک کار کو اور امام بارگاہ کو اپنی زد میں لے لیا جس سے امام بارگاہ میں رکھا سبھی سامان اور کار پوری طرح جل کر خاکستر ہو گئی۔
مقامی لوگوں کے ذریعے آتشزدگی کی اطلاع ضلع پولیس اور محکمہ فائر بریگیڈ کو دی گئی۔ اطلاع ملتے ہی فوراً موقع پر پہنچی ٹیم نے آگ بجھانے کی کوشش میں لگ گئی، کئی گھنٹوں کی کڑی مشقت کے بعد آگ پر قابو پایا گیا لیکن جب تک آگ پر قابو پایا جاتا تب تک لاکھوں روپے کا نقصان ہو چکا تھا۔ آگ کی وجہ سے کوئی جانی نقصان نہیں ہوا ہے۔
مقامی لوگوں کا کہنا ہے کی سڑک پر رکھے ٹرانسفارمر سے کئی مرتبہ حادثے ہو چکے ہیں۔ اس سے پہلے بھی اس ٹرانسفارمر کی زد میں آنے سے دو لوگ ہلاک ہو گئے تھے اور آج بھی اس ٹرانسفارمر کی وجہ سے امام بارگاہ کو تقریباً 70 سے 80 لاکھ روپے کا نقصان ہوا ہے۔
مزید پڑھیں:
لکھنؤ: عبادت گاہوں میں ایک وقت میں پانچ افراد سے زیادہ کا داخلہ ممنوع
ساتھ ہی مقامی لوگوں نے انتظامیہ سے مطالبہ کیا ہے کہ اس ٹرانسفارمر کو یہاں سے ہٹا کر کہیں اور شفٹ کر دیا جائے، جس سے آئے دن ہونے والے حادثات کو روکا جا سکے۔
