اٹاوہ: فیکٹری میں آتشزدگی سے ڈیڑھ کروڑ کا نقصان

تقریباً ایک گھنٹے کی سخت مشقت کے بعد آگ پر قابو پایا گیا، لیکن تب اس کی فیکٹری میں رکھا ہوا خام مال، سلائی مشینیں، جنریٹر، ایکٹوا اسکوٹی اور پوری فیکٹری کا انٹیریر آفس کافرنیچر جل چکا تھا۔

وزیراعظم نریندرمودی کی خود انحصار مہم کے تحت اترپردیش میں اٹاوہ کے بسریہر میں قائم کی گئی ریڈی میڈ کپڑا فیکٹری آگ لگنے سے تباہ ہوگئی، جس کے نتیجے میں تقریباً ڈیڑھ کروڑکی املاک جل کر خاک ہوگئی۔

اٹاوہ کے سینئرپولیس سپرنٹنڈنٹ برجیش کمار سنگھ نے آج یہاں کہا کہ آگ لگنے کا واقعہ دیرشب کو پیش آیا۔ فائر بریگیڈ کے عملہ نے اطلاع ملنے کے بعد راحت اوربچاو کا کام کرکے ایک شخص کو بچا لیا جو تیسری منزل پر تھا لیکن آگ اتنی زیادہ تھی کہ آگ پرقابو پانا ممکن نہیں ہو سکا جس کے نتیجے میں بڑانقصان ہوا ہے۔

فیکٹری کے مالک سنیل کمار نے بتایا کہ بدھ کی شام کو صحیح سلامت فیکٹری کو بند کیا تھا اور نگرانی کے لئے چھوٹا بھائی انل کمار فیکٹری پرہی دوسری منزل پر رہتا تھا۔ انل نے فون کرکے بتایا کہ نیچے سے فیکٹری کی جانب سے بہت تیز دھواں آرہا ہے جس پرمیں نے محکمہ فائرکو فون کیا اور موقع پر پہنچاتو پہلے سے ہی وہاں پر بسر یہر تھانہ انچارج مکیش کمار سولنکی فورس کے ساتھ موجودتھے اور فائر کی گاڑی کے ساتھ آگ پر قابو پانے کی کوشش کر رہے تھے۔

تقریباً ایک گھنٹے کی سخت مشقت کے بعد آگ پر قابو پایا گیا، لیکن تب اس کی فیکٹری میں رکھا ہوا خام مال، سلائی مشینیں، جنریٹر، ایکٹوا اسکوٹی اور پوری فیکٹری کا انٹیریر آفس کافرنیچر جل چکا تھا۔

یو این آئی