خاتون کانسٹیبل کو بدمعاشوں نے گولی ماری

ریاست اترپردیش کے ضلع باغپت میں بے خوف بدمعاشوں نے لوٹ کی مخالفت کرنے پر خاتون کانسٹیبل کو گولی ماردی۔

بدمعاشوں نے گولی مارنے کے بعد اسکوٹی لے کر فرار ہوگئے۔ اسکوٹی کی ڈگی میں تقریبا 2 لاکھ روپئے رکھے ہوئے تھے۔
ایس پی پرتاپ گوپیندر یادو کے مطابق غازی آباد کے خاتون تھانے میں تعینات خاتون کانسٹیبل رینو کل شام اسکوٹی سے باغپت ضلع کے لہاری گاؤں اپنے سسرال جارہی تھی۔ تقریبا سات بجے وہ نیتھلا گاؤں کے ایک پبلک اسکول کے نزدیک بائیک سوار دونقاب پوش بدمعاشوں نے روک لیا اور لوٹ کی کوشش کرنے لگے۔ مخالفت کرنے پر بدمعاشوں نے رینو پر فائرنگ کر دی اور اس کی اسکوٹی لے کر فرار ہوگئے۔
انہوں نے بتایا کہ زخمی زینو کو ابتدائی علاج کے بعد دہلی کے جی ٹی بی اسپتال ریفر کردیا گیا ہے۔ انہوں نے دعوی کیا ہے کہ معاملے کا جلد ہی خلاصہ کیا جائے گا۔