کسانوں کو موجودہ نظام کے خلاف لڑنا ہوگا: جینت چودھری

زرعی قوانین کے خلاف سہارنپور میں منعقدہ مہاپنچایت میں راشٹریہ لوک دل پارٹی کے قومی نائب صدر جینت چودھری نے مرکزی حکومت پر جم کر تنقید کی۔

اترپردیش میں سہارنپور کے نکوڑ علاقے میں منعقد مہاپنچایت میں زرعی قوانین کے خلاف راشٹریہ لوکدل پارٹی کے قومی نائب صدر جینت چودھری نے مرکزی اور ریاستی حکومت کو ہدف تنقید بنایا اور کہا کہ کھیتی سے تعلق رکھتے ہے تو موجودہ نظام سے لڑنا ہوگا۔

اطلاعات کے مطابق گزشتہ کئی دنوں نکوڑ تھانہ علاقہ میں راشٹریہ لوکدل کے کارکنان نے گاؤں گاؤں گھوم کر کسان پنچایت کرنے کا اعلان کیا تھا اور بڑی تعداد میں کسانوں کو مہاپنچایت میں شامل ہونے کا دعویٰ بھی کیا تھا لیکن مہاپنچایت میں صرف ضلع کے جاٹ اکثریتی گاؤں سے ہی جاٹ کسان پہنچے۔