Eye Check up Camp in Meerat میرٹھ میں آنکھوں کی مفت جانچ کا کیمپ

میرٹھ میں سماجی تنظیم شیخ الوی سمنیگر چونے والے ویلفیئر ٹرسٹ اور عید گاہ کمیٹی کے اشتراک سے ایک مفت آئی کیمپ کا انعقاد کیا گیا جس میں لوگوں کو امراض چشم کا علاج فراہم کیا جارہا ہے۔

میرٹھ: ریاست اتر پردیش کے ضلع میرٹھ میں آج شاہی عید گاہ میں ایک مفت آئی کیمپ کا اہتمام کیا گیا۔ سماجی تنظیم شیخ الوی سمنیگر چونے والے ویلفیئر ٹرسٹ اور عید گاہ کمیٹی کی مشترکہ کوششوں سے میرٹھ کے پچھڑی آبادی والے علاقوں میں خاص کر پسماندہ طبقات کے لوگوں کے لیے آئی کیمپ کا اہتمام کیا گیا۔ اس کیمپ میں سبھی سماج کے لوگوں کے لیے مفت کیمپ منعقد کیا گیا جس میں تقریبا پانچ سو سے زیادہ بچوں بزرگوں اور نوجوانوں کی آنکھوں کی سبھی طرح کی جانچیں مفت کی گئیں، یہاں تک کہ جن مریضوں کو آنکھوں کے آپریشن کی ضرورت ہے، ان کے لیے بھی سوسائٹی علاج کے اخراجات اٹھائے گی۔

میرٹھ میں لوک پریہ ہسپتال کی جانب سے آنکھوں کے ڈاکٹر کی ٹیم نے مریضوں کی جانچ کے بعد ان کو نفت میں دوائیاں بھی تقسیم کی گئیں۔ ڈاکٹرز کا کہنا ہے کہ موجودہ وقت میں نئی نسل موبائل فون کی وجہ س بہت تیزی سے آنکھوں کے امراض میں مبتلا ہورہے ہیں۔ لوگوں کو موبائل کا کم استعمال کرنے کی اپیل کی گئی۔