اس دوران ڈسٹرکٹ آفیسر نے ڈی ایل آر سی، نزارت، ای آر کے، محکمہ محصولات کے جوائنٹ آفس، اے آر او، آر آر کے اور سی آر اے کے تمام ٹیبلز کا دورہ کیا اور تمام معاونین کو پابندی کے ساتھ مقررہ وقت پر دفتر آنے کے علاوہ تمام زیر التواء معاملات کو حل کرنے کی ہدایت دی۔
انہوں نے ڈسٹرکٹ سپلائی آفیسر اور دیگر محکمہ جاتی افسران کو ہدایت کی کہ وہ 'پردھان منتری غریب اَنّ یوجنا' کے تحت شفافیت کے ساتھ مفت راشن تقسیم کریں ساتھ ہی اناج کی بوریوں کا بھی جائزہ لیا۔
چک بندی دفتر کا معائنہ کرتے ہوئے ڈسٹرکٹ مجسٹریٹ نے سی او رمضان اور اے سی ای او رنویر سنگھ کو غیر حاضر پایا، جس کی ذمہ داران سے وضاحت طلب کی، اس کے علاوہ دیگر محکمہ جاتی کاموں میں تیزی لانے کے لئے ضلعی مجسٹریٹ نے ڈسٹرکٹ انٹرٹینمنٹ ٹیکس آفیسر، ڈسٹرکٹ ایکسائز آفیسر، ڈسٹرکٹ سپلائی آفیسر، این آئی سی، اسسٹنٹ الیکشن آفیسر، اے آئی جی اسٹمپ اور مائننگ آفیسر کے دفاتر کا بھی معائنہ کیا۔
معائنہ کے دوران ڈسٹرکٹ آفیسر کے ہمراہ ایڈیشنل ڈسٹرکٹ مجسٹریٹ انتظامیہ دیوکار سنگھ اور دیگر متعلقہ افسران بھی موجود تھے۔
