دراصل گوتم بودھ نگر میں کورونا وائرس کی وجہ سے کسی بھی گروپ پروگرام پر پابندی عائد کردی گئی ہے۔ ایسی صورتحال میں بھیم آرمی چیف چندر شیکھر نے اپنی نئی پارٹی کا اعلان کرنے کے لیے آج کاشی رام جینتی پہنچ رہے تھے لیکن بھیم آرمی نے کورونا وائرس کے پیش نظر جس جگہ کا انتخاب کیا تھا وہاں پولیس اور ضلع انتظامیہ نے روک لگا دی ہے اور وہاں نوٹس بھی چسپاں کردی۔
واضح رہے کہ نوئیڈا سیکٹر 71 کے قریب اشوکا وائٹ فارم پر بھیم آرمی کا پروگرام منعقد ہونے والا تھا۔ پروگرام کے دوران بھم آرمی چیف پارٹی کے نام، منشور اور مزید منصوبوں کا اعلان کرنے والے تھے لیکن پولیس نے موقع پر تالہ لگا کر نوٹس دے دیا ہے۔
نوٹس میں لکھا گیا ہے کہ کورونا وائرس کی وجہ سے کہیں بھی عوامی جلسہ یا کسی بھی قسم کا کوئی پروگرام نہیں کیا جاسکتا ہے۔
کارکنان اور مددگاروں کی ایک بڑی تعداد موقع پر موجود ہے اور پنڈال کے باہر کھڑے ہیں۔ سیکڑوں کارکنان پہنچ چکے ہیں۔
پروگرام میں شرکت کے لئے موقع پر کارکنان اور حمایتی آگرہ، ایٹا، علی گڑھ، ہریدوار سمیت متعدد ریاستوں سے پہنچ چکے ہیں۔
