بتایا جا رہا ہے کہ خاتون کسی ضرورت سے گھر سے باہر گئی تھی۔ اسی دوران گاؤں کے ہی دو افراد نے انہیں پکڑ لیا اور ایک گننے کے کھیت میں لے جا کر اس کے ساتھ جنسی زیادتی کی۔ یہ معاملہ رجبپور تھانہ علاقہ کا ہے۔
یہ معاملہ امروہہ کے رجبپور تھانہ علاقے کے ایک گاؤں کا ہے، جہاں ایک دلت خاتون کھیت سے چارہ لانے گئی تھی۔ الزام ہے کہ گاؤں کے ہی کلدیپ اور راجیو نے اسے پکڑ لیا۔ وہ زبردستی اسے گننے کے کھیت میں لے گئے، اور اس کے ساتھ اجتماعی ریپ کیا۔ ساتھ ہی پولیس سے شکایت کرنے پر جان سے مارنے کی دھمکی دے کر فرار ہو گئے۔
خاتون نے گھر پہنچ کر زہیریلی دوا کھا لی۔ تاہم صحت بگڑتا دیکھ کر گھر والوں نے اسے ہسپتال میں داخل کرایا، جہاں خاتون کی حالت نازک بتائی جا رہی ہے۔ اس معاملہ کی جانکاری اہل خانہ نے پولیس کو دے دی ہے۔ تاہم پولیس نے معاملہ درج نہیں کیا ہے۔
یہ بھی پڑھیں: اورنگ آباد: خاتون مریض کے ساتھ جنسی زیادتی پر ڈاکٹر کی پٹائی
رپورٹ درج نہ ہونے پر بھائی نے وزیر اعلی کو ٹویٹ کر کے معاملے کی جانکاری دی۔ جس کے بعد پولیس حرکت میں آئی اور معاملہ درج کر کے ایک ملزم کو گرفتار بھی کر لیا ہے۔
