بارہ بنکی: ویکسینیشن مراکزپردوسری ڈوز کے لئے جم غفیر

ریاست اتر پردیش کے بارہ بنکی میں کووڈ-19 کے ویکسینیشن مراکز پر دوسری ڈوز لینے والوں کا ہجوم لگ گیا ہے۔مراکز پر بدنظمی کی صورتحال نظر آ رہی ہے۔

بارہ بنکی ضلع ویکسینیشن کے معاملے میں ریاست کے تمام اضلاع کے لئے مثال رہا ہے۔

یہاں کی ٹیکہ کاری نظام کی قومی سطح پر شتائش بھی ہو چکی ہے۔لیکن کووڈ-19 کے ٹیکے کی دوسری ڈوز لینے والے واضح طور پر بدنظمی کا الزام عائد کر رہے ہیں۔

زیادہ تر لوگوں کا کہنا ہے کہ انہیں موبائل پر میسیج بھیجا گیا ہے۔ لیکن مراکز پر کوئی انتظام نہیں ہے۔

ان کا کہنا ہے کہ انہیں دوسری ڈوز کے لئے متعدد دفعہ مراکز سے لوٹنا پڑا ہے۔ مزید کہا کہ مرکز پر انہیں واضح معلومات بھی نہیں فراہم کی جا رہی ہے۔

لوگ گھنٹوں لائن میں لگے رہنے کے بعدبنا ویکسین لیے لوٹ رہے ہیں۔ ضلع ہسپتال پر بھیڑ ہونے سے سماجی فاصلے پر بھی عمل نہیں ہو رہا ہے۔