بارہ بنکی: کسانوں کی حمایت میں سی پی آئی کا احتجاج

کرانتی دیوس کے موقع پر بھارتیہ کمیونسٹ پارٹی کی جانب سے دہلی میں احتجاج کر رہے کسانوں کی حمایت میں احتجاج

اترپردیش کے ضلع بارہ بنکی میں کرانتی دیوس کے موقع پر بھارتیہ کمیونسٹ پارٹی کی جانب سے دہلی میں احتجاج کررہے کسانوں کی حمایت میں احتجاج کیا گیا، اس دوران سی پی آئی کے کارکنان نے اپنے دفتر سے کلکٹریٹ تک مارچ کیا اور تینوں زرعی قوانین کو مرکزی حکومت سے واپس لینے کا مطالبہ کیا۔

اس موقع پر سی پی آئی کے ریاستی کونسل کے رکن رندھیر سنگھ سمن نے کہا کہ 9 اگست کا دن وہ دن ہے جب ملک کے عوام نے انگریزوں کو ملک سے اکھاڑ پھیکنے کا عہد لیا تھا۔ اس لئے ہم لوگ آج دہلی میں کسانوں کی حمایت میں احتجاج کر رہے ہیں۔

بارہ بنکی: کسانوں کی حمایت میں سی پی آئی کا احتجاج

انہوں نے مرکزی حکومت الزام عائد کرتے ہوئے کہا کہ کسان زرعی قوانین کے خلاف مسلسل احتجاج کررہے ہیں۔ لیکن بی جے پی حکومت ان سے بات کرنے کو تیار نہیں اور بات نہیں کررہی ہے۔ انہوں نے مزید کہا کہ حکومت کو ملک کے سرمایہ کار چلارہے ہیں۔