ریاست اترپردیش کے ضلع مظفر نگر میں کورونا وائرس کے نئے معاملات میں مسلسل اضافہ ہو رہا ہے۔ آج ضلع میں 94 مثبت کیسز ملے ہیں، جس کے بعد ضلع انتظامیہ میں ہلچل مچ گئی۔ آج 1923 سے زائد افراد کی رپورٹ موصول ہوئی جن میں 94 مثبت کیسز پائے گئے ہیں اور دیگر تمام رپورٹس منفی آئی ہیں۔
راحت کی بات یہ ہے کی محکمہ صحت کی ٹیم نے آج 42 مثبت مریضوں کو صحت یاب کیا ہے۔ اب کورونا مثبت مریضوں کی تعداد 588 رہ گئی۔ ضلع میں اب تک 60 سے زائد کورونا مثبت افراد کی موت ہو چکی ہیں۔
ضلع میں کورونا وائرس کے 94 نئے کیسز ملے ہیں، ان میں سے کچھ مریضوں کو بیگراج پور میڈیکل کالج مظفر نگر کے آئسولیشن وارڈ میں بھیجا گیا اور کچھ کو ہوم آئسولیٹ کیا گیا ہے۔ میڈیکل کالج کے ڈاکٹرز کی ٹیم پہلے ہی تقریباً 4578 کے قریب متاثرہ افراد کو صحت یاب کر چکی ہے۔
