مشرقی اتر پردیش کے اقلیتی مورچہ کے چیئرمین ریحان خالد نے ای ٹی وی بھارت سے بات چیت کے دوران بتایا کہ اتر پردیش سے بڑی تعداد میں کانگریسی کارکنان 14 دسمبر کو دہلی جا رہے ہیں ۔
ان کے علاوہ اقلیتی سماج سے بھی کثیر تعداد میں لوگ دہلی روانہ ہو رہے ہیں ،جہاں پر مودی حکومت کی ناکامیوں کو احتجاج کے ذریعے عوام کے سامنے لائیں گے،۔
واضح رہے کہ کانگریس پارٹی کے عبوری صدر سونیا گاندھی نے سبھی ریاستی صدر سے اپیل کی ہے کہ وہ اپنے یہاں سے بڑی تعداد میں کانگریسی کارکنان کو دہلی بھیجیں۔
تاکہ موجودہ حکومت کو احساس دلایا جائے کہ کانگریس پارٹی ابھی ختم نہیں ہوئی ہے۔
اس کے بعد کانگریس پارٹی کی جنرل سیکرٹری پرینکا گاندھی نے یو پی کے صدر اجے کمار للو سے اپیل کی ہے کہ وہ اتر پردیش سے کم ازکم پانچ لاکھ کارکنان کو دہلی بھیجیں۔
اس اپیل کے بعد سے اضلاع میں تیاریاں زوروں سے چل رہی ہیں۔
