ریاست اترپردیش کے ضلع مظفرنگر میں کورونا وائرس کا قہر جاری ہے اور مسلسل کورونا کے کیسز بڑھ ہی رہے ہیں۔ ہر دن کورونا مریضوں کی تعداد بڑھتی ہی جارہی ہے۔
مظفرنگر ضلع میں آج کورونا کے ایک ساتھ 87 نئے مریضوں کی تصدیق ہوئی ہے۔ نئے کیسز ملنے سے محکمہ صحت میں ہلچل مچ گئی ہے۔
راحت کی بات یہ ہے کہ اس دوران 47 مریض صحتیاب بھی ہوئے ہیں۔ ضلع میں اب کورونا مثبت مریضوں کی تعداد 899 ہوگئی ہے۔ مظفرنگر ضلع میں اب تک 28 کورونا مریضوں کی موت بھی ہو چکی ہیں۔
آج جو رپورٹ موصول ہوئی ہیں، اُن میں 87 مثبت کیسز پائے گئے ہیں اور دیگر تمام رپورٹیں منفی آئی ہیں۔
سبھی مریضوں کو بیگراج پور میڈیکل کالج مظفر نگر کے آئسولیشن وارڈ میں بھیجا گیا ہے۔ میڈیکل کالج کے ڈاکٹروں کی ٹیم پہلے ہی تقریبا 1706 کے قریب متاثرہ افراد کو ٹھیک کر گھر بھیج چکی ہے۔
اس کی جانکاری ضلع مجسٹریٹ سیلوا کماری جے نے اپنے ٹوئٹر اکاؤنٹ پر ٹوئٹ کرکے دی۔
