میرٹھ:ریاست اتر پردیش کے ضلع میرٹھ میں ان دنوں تاریخی میلہ نوچندی کا اہتمام کیا جا رہا ہے۔ سرکس بھی میلے کا ایک اہم حصہ رہتا ہے۔ جس کو عوام دور دراز سے دیکھنے کے لیے آتی تھی۔ کسی زمانے میں سرکس دیکھنے کے لیے لوگوں کی بھیڑ امڈتی تھی لیکن آج کے دور میں اس کا وجود خطرے میں پڑ گیا ہے۔ جب ای ٹی وی بھارت کی ٹیم نے سرکس کے فنکاروں کا حال جاننے کے لیے نوچندی میلے میں پہنچی تو دل دہلا دینے والی تصاویر سامنے آئیں۔
ایک وقت تھا جب سرکس میں ہاتھی، گھوڑے، بھالو اور شیر کے کرتب دکھائے جاتے تھے۔ اب جانوروں کے نام پر بکرے کو بیلنس سکھا کر لوگوں کا دل بہلایا جا رہا ہے۔ انہوں نے کہا کہ پہلے فنکار کئی شاندار قلابازیاں دکھاتے تھے۔ جوکر کی ایک سے زیادہ سرگرمیاں دیکھ کر بچوں کو ہنسایا جاتا تھا۔ لیکن آج کی تاریخ میں دوسروں کو ہنسانے والا جوکر خود اپنی بدحالی پر آنسو بہا رہا ہے۔
یہ بھی پڑھیں:kritagya Sharma کرتگیا شرما نے گلوبل انڈین ینگ سائنٹسٹ ریسرچ اینڈ انوویشن کانفرنس میں ایوارڈ جیتا
ان کا کہنا ہے کہ ڈیجیٹل کے اس دور میں ایسا لگتا ہے کہ سرکس ماضی کا حصہ بن کر رہ جائے گا. لیکن بچوں میں اب بھی سرکس کا جنون ہے۔ سرکس کے فنکاروں کا کہنا ہے کہ وہ آج بھی اس صنف کو زندہ رکھے ہوئے ہیں۔ تاکہ سرکس کے فن کو زندہ رکھا جا سکے۔ کیونکہ اگر ایسے ہی حالات رہیں تو وہ دن دور نہیں جب سرکس صرف کتابوں کا ایک باب بن کر رہ جائے گا۔
