اتر پردیش کے ضلع بارہ بنکی میں انفیکشن سے ہونے والی بیماریوں کی روک تھام کے لئے آج سے مسلسل ایک ماہ کے لیے سنچاری روگ دستک مہم کا آغاز کیا گیا ہے۔ اس مہم کو اے ڈی ایم سندیپ کمار گپتا نے آج ہری جھنڈی دکھاکر روانہ کیا۔
انفیکشن سے ہونے والے بیماریوں کے خلاف شروع کئے گئے سنچاری روگ دستک مہم وزیر اعلیٰ یوگی آدتیہ ناتھ کی ترجیحی مہم ہے۔ یہ مہم امسال کی تیسری مہم ہے۔
اس مہم میں محکمۂ صحت کے ملازمین دیگر محلوں میں جاکر بخار اور کووڈ-19 کے مریضوں کی تلاش کریں گے اور ان میں دوائیں تقسیم کریں گے۔
اس سلسلے میں دستک مہم کے نوڈل افسر ڈی کے شریواستو نے بتایا کہ 'اس مہم سے قبل ہماری ٹیم انفیکشن کی بیماریوں پر قابو پانے میں بڑے پیمانے پر کامیاب رہی ہے۔
انہوں نے عوام سے اپیل کی کہ وہ دستک مہم میں آنے والے ملازمین کی باتوں پر عمل کریں اور دوا کا استعمال کریں۔
