مایاوتی نے ٹویٹ کرکے کہا،’’مسٹر چندر شیکھر اپنے سیاسی مفادات کی وجہ سے بی ایس پی مخالف پارٹیوں کے ہاتھوں میں کھیل رہے ہیں۔ وہ جان بوجھ کر ان ریاستوں میں احتجاجی مظاہروں میں حصہ لے رہے ہیں جہاں بی ایس پی مضبوط ہے۔‘‘
بی ایس پی سربراہ نے الزام لگایا کہ چندرشیکھر بی ایس پی کے ووٹوں کو متاثر کرنے کےلئے زبردستی جیل جارہے ہیں۔انہوں نے کہاکہ چندرشیکھر اترپردیش کے رہنے والے ہیں، لیکن وہ سی اےاے اور این آر سی کے مسئلے پر دہلی کے جامع مسجد علاقے میں مظاہرے میں شامل ہوکر زبردستی گرفتار ہوئے ہیں۔
مایاوتی نے کہا کہ چندر شیکھر کی یہ کوشش دہلی اسمبلی الیکشن میں فائدہ لینے کی کوشش ہے۔انہوں نے مزید کہا کہ پارٹی کے لوگوں کو ایسی تنظیموں، ایسےلوگوں سے دور رہنا چاہئے۔
انہوں نے کہاکہ ایسے لوگوں کو کبھی پارٹی میں شامل نہیں کیاجائےگا۔
