مظفر نگر: 'صحافی پر حملہ کرنے والوں کو بخشا نہیں جائے گا'

ریاست اترپردیش کے ضلع مظفر نگر میں ضلع انچارج اور بی جے پی کے سابق ترجمان چندر موہن نے ریاست میں بی جے پی حکومت کے چار سال مکمل ہونے پر پریس کانفرنس کا انعقاد کیا، جس میں انہوں نے پارٹی کے کاموں کا جائزہ لیا۔

اس موقع پر ضلع انچارج اور بی جے پی سابق ترجمان چندر موہن نے کہا کہ آئند اسمبلی انتخابات میں بی جے پی کو کامیابی ملے گی اور ریاست میں دوبارہ بی جے پی کی حکومت بنے گی، انہوں نے کہا کہ دہلی سرحدوں پر کسانوں کی تحریک اپوزیشن کی ایک سازش ہے۔

ریاست میں بلاک انتخابات مکمل ہونے کے بعد اتوار کی دوپہر بی جے پی کے سابق ترجمان اور ضلع انچارج چندر موہن ضلع مظفر نگر پہنچے جہاں انہوں نے ریاست میں بی جے پی حکومت کے کاموں کا تفصیلی جائزہ لیا۔

انہوں نے ضلع اناؤ میں صحافی پر ہوئے حملے کی مذمت کرتے ہوئےکہا کہ جو بھی قصوروار پایا جائے گا اس کے خلاف سخت کارروائی کی جائے گی، بھارتیہ جنتا پارٹی سبھی صحافیوں کا احترام کرتی ہے اور کرتی رہے گی۔