ریاست اتر پردیش کے بھدوہی میں ایک خاتون سے اجتماعی جنسی زیادتی کا معاملہ سامنے آیا ہے۔ وہیں پولیس چار ملزمان میں سے تین کو گرفتار کرلیا ہے۔
اطلاع کے مطابق متاثرہ نے الزام لگایا ہے کہ گذشتہ ہفتے جب وہ گوپی گنج بازار جانے کے لئے گھر سے نکلی تو رائے پور میں کچھ شر پسندوں نے اسے اغوا کرلیا۔ جمونی پوکھرا کے قریب چاروں نوجوانوں نے اس کی اجتماعی جنسی زیادتی کی اور کسی کو نہ بتانے کی دھمکی دی۔
چار بچوں کی متاثرہ والدہ نے بتایا کہ ملزم نے میرے بچوں کو بھی جان سے مارنے کی دھمکی دی ہے۔
وہیں پولیس نے شکایت پر کارروائی کرتے ہوئے تین ملزمان کو گرفتار کرلیا ہے۔
بھدوہی سپرنٹنڈنٹ آف پولیس نے بتایا کہ 'اجتماعی جنسی زیادتی کے چار ملزمان میں سے تین دھننجئے شکلا، ٹنکو شکلا، وکاس کمار اور سونو اپادھیائے کو گرفتار کرلیا گیا ہے، جبکہ ایک اور ملزم کی تلاش جاری ہے۔'
یہ بھی پڑھیں: جی ایس ٹی کونسل کا 42 واں اجلاس آج
انہوں نے کہا کہ 'پولیس اس معاملے میں مزید کارروائی کر رہی ہے۔'
