دہلی پولیس نے نیشنل ہائی وے 9 کی دہلی سے غازی آباد کو جوڑنے والی اہم شاہراہ سے پتھر کے بیریکیڈ ہٹا دیے ہیں۔ دہلی پولیس نے رات قریب 11 بجے کرین سے ہائیوے پر بیریکیڈ سے پتھر ہٹانے کا کام کیا۔
بتا دیں کہ یہ لین 26 جنوری کے بعد سے بند تھا۔ اب لین کھلنے کے بعد اس کا استعمال ایمرجنسی گاڑیوں کے لیے ہوگا۔ وہیں دوسری لین کھلنے کے بعد کسان تحریک پر کیا اثر پڑے گا، آئیے سمجھتے ہیں۔
اس سے پہلے قریب 1 ماہ قبل دہلی پولیس نے دہلی سے نیشنل ہائیوے 9- کو غازی آباد سے جوڑنے والے ایک لین کو کھول دیا تھا۔ جس کے بعد اس لین پر آمد و رفت اچھے طریقے سے چل رہا تھا۔ وہیں دہلی سے آنے والی اس دوسری لین کو ایمرجنسی گاڑیوں کے استعمال کے لیے ہی کھول دیا گیا ہے۔
قومی شاہراہ 9- کی دوسری لین کھلنے کے بعد کسانوں نے کہا کہ اس سے ان کی تحریک پر کوئی اثر نہیں پڑے گا بلکہ کسان خود اس لین کو کھولنے کی مانگ کررہے تھے۔
کسانوں نے کہا کہ ان کا مقصد آمد و رفت میں رکاوٹ پیدا کرنا نہیں ہے، اس لئے سبھی متبادل راستے ان کی طرف سے کھولے گئے ہیں۔ غور طلب ہے کہ غازی آباد سے دہلی جانے والی نیشنل ہائیوے 9- کی اہم لین کے علاوہ سروس لین پر کسان مرکزی سرکار کی طرف سے لائے گئے تین زرعی قوانین کے خلاف قریب 5 مہینے سے بیٹھے ہیں۔
کسانوں نے بتایا کہ رات میں اچانک جب دہلی پولیس کے بولڈوزر اور کرین تحریک والی جگہ پر پہنچی تو ایسا لگا کہ کسان تحریک کو ہٹادیا جائے گا، ایسا بالکل نہیں ہوا ہے۔
