بارہ بنکی: شاندار طریقے سے منایا جائے گا یوم جمہوریہ

اترپردیش کے ضلع بارہ بنکی میں یوم جمہوریہ ہر برس کی طرح اس دفعہ بھی شاندار طریقے سے منایا جائے گا، اس کے لیے تیاریاں زوروں سے کی جارہی ہیں۔

بارہ بنکی کے پولیس لائن کے پریڈ گراؤنڈ میں ہونے والی روایتی تقریب میں ثقافتی پروگرام پیش کرنے کے لیے اسکولی مقابلہ ہوا، اس مقابلے میں کامیاب ہونے والے اسکول کو جنوری کے موقع پر اپنا پروگرام پیش کرنے کا موقع ملے گا۔

پولیس لائن پریڈ گراؤنڈ میں منعقد ہوئے اس مقابلے میں آٹھ اسکولوں کے طلبأ نے ثقافتی پروگرام پیش کیے جن میں سے صرف دو اسکولوں کے طلبأ کا انتخاب کیا جائے گا۔

اس کے بعد 24 جنوری کو مشق آرائی کے کے بعد اسکول کے طلبأ اپنا پروگرام پیش کریں گے۔

مقابلے کے دوران ایڈیشنل ایس پی (ساؤتھ) اشوک شرما موجود رہے اور انہوں نے باریکی سے طلبہ کے پروگرامس کا معانہ کیا۔

جس طرح سے اسکولی طلبہ نے اپنے پروگرام پیش کیے ہیں اس سے واضح ہے کہ اس دفعہ بھی ضلع میں یوم جمہوریہ کا جشن شاندار ہوگا۔