واضح ہو کہ گزشتہ 24 جنوری کو ٹکیت نگر تھانہ حلقہ کے دھندھوارا گاؤں کے سریش چندر جین نے پولیس کو اطلاع دی تھی کہ وہ جب شام کو دوکان بند کر کے جا رہا تھا، تو راستے میں موٹرسائیکل پر سوار دو نا معلوم لوگ نے ان سے زیورات کا بھرا بیگ چھین کر فرار ہو گئے۔
پولیس نے اس معاملے کی تفتیش کے دوران ریشو ورما اور اس کے فوفی زاد بھائی اتکرش کمار ورما کو منگل کے روز ٹکیت نگر-بدوسرائیں روڈ پر بھارت پیٹرول پمپ سے گرفتار کیا۔ ان کی نشاندہی پر لوٹ کا پورا مال بھی برآمد کیا ہے۔
پوچھ گچھ میں انکشاف ہوا ہے کہ ریشو ورما پدماوتی جویلرس پر ملازم ہے۔ وہ گاؤں کی ایک لڑکی سے محبت کرتا تھا اور اس سے شادی کرنا چاہتا تھا۔ اس لئے اس نے اپنے مالک سے ادھار پیسوں کا مطالبہ کیا تھا لیکن اس کے مالک نے پیسے دینے سے انکار کیا۔
مزید پڑھیں:
چھتیس گڑھ: ہیرا اسمگلر 22 لاکھ کے ہیروں کے ساتھ گرفتار
جس کے بعد اس نے پیسوں کے لئے لوٹ کا منصوبہ بنایا، جس میں اس نے اپنے فوفی زاد بھائی کو بھی شامل کر لیا۔ 21 جنوری کی رات وہ رامنگر روڈ پر بارات گیا تھا، راستے میں لوٹتے وقت اسے ایک اسپلینڈر بائیک کھڑی نظر آئی، جس کو انہوں چرایا اور گھر آکر اس کی نمبر پلیٹ تبدیل کر دی، پھر اسی گاڑی سے لوٹ کی واردات کو انجام دیا اور اس بائیک کو دوسری جگہ چھوڑ آیا۔ اس واردات کے انکشاف کے لئے صرافہ کاروباریوں نے پولیس کی عزت افزائی بھی کی ہے۔
