بارہ بنکی : توہم پرستی میں لاک ڈاؤن کی دھجیاں اڑیں

ریاست اتر پردیش کے ضلع بارہ بنکی میں توہم پرستی کے سبب لاک ڈاؤن، سماجی فاصلے اوردفعہ 144 کی دھجیاں اڑائی گئیں ۔ کرسی تھانہ حلقہ میں ایک ڈھونگی شخص بھگوان کا درشن کرانے کے لئے بھیڑجمع کر رہا ہے اور بڑی تعداد میں لوگ وہاں بھگوان کا درشن کرنے پہنچ بھی رہے ہیں - پولیس اور انتظامیہ اس سے انجان ہے.

تو ہم پرستی کا یہ معاملہ کوٹھی تھانہ حلقہ کے پڈراوا گاؤں کا ہے. یہاں پردھان کا نمائندہ لکشمی نارائین جیسوال کھلے عام لوگوں کو بھگوان اور آباؤ اجداد کا درشن کرانے کے نام پر کافی بھیڑ جمع کر رہا ہے.

اس کا دعویٰ ہے کہ وہ کچھ منتر کی مدد سے بھگوان کا دیدار کرائے گا. اس کے اس دعوے کی حقیقت کو سمجھنے کے لئے توہم پرست افراد کثیر تعداد میں پہنچ رہے ہیں.

لاک ڈاؤن کے نفاذ کےدرمیان توہم پرستی کے اس معاملے کے سبب سماجی فاصلے اور ا دفعہ 144 کی خلاف ورزی ہو رہے.

دوسری جانب اتنی بھیڑ اکٹھا ہونے کے باوجود اس معاملے پر کاروائی نہ ہونے سے انتظامیہ اور پولیس بھی سوالوں کے گھیرے میں ہے.