اے ٹی ایم کو توڑنے کے دوران ایک اے ٹی ایم مشین میں آگ بھی لگ گئی جس کی وجہ سے نوٹوں کا بنڈل جل کر راکھ ہوگیا ہے۔
اس واقعے کی اطلاع کے بعد پولیس نے تفتیش شروع کردی ہے۔ اطلاع کے مطابق چوری کا پہلا واقعہ ڈوبھی تھانہ کے چترا موڑ کے قریب پیش آیا ہے ، جس میں پی این بی کے اے ٹی ایم سے گیس کٹر سے اے ٹی ایم کو کاٹ کر چوری کی گئی ہے۔
تقریبا 13 لاکھ روپئے کی یہاں سے چوری کی گئی، واقعے کی اطلاع ملنے کے بعد بینک کے اہلکار موقع پر پہنچے اور حالات کاجائزہ لیا۔
اس معاملے میں ڈوبھی تھانہ کے پولیس آفیسر راہل رنجن نے بتایا کہ پولیس کو اے ٹی ایم توڑنے کی اطلاع ملی ہے ، جس کے بعد پولیس موقع پر پہنچ اور اس واقعہ کا جائزہ لیا ۔ بینک عہدیدار رقم کے متعلق حساب کررہے ہیں ، ان کی دی گئی درخواست کی بنیاد پر کارروائی کی جائے گی۔
اے ٹی ایم کو توڑنے کے دوران آگ لگ گئی چوری کا دوسرا واقعہ شیرگھاٹی تھانہ علاقہ کے جی ٹی روڈ کے قریب پیش آیا ہے یہاں چوری کا واقعہ ایکسس بینک کے اے ٹی ایم پر انجام دیا گیا ہے۔
اے ٹی ایم کو گیس کٹر سے کاٹنے کی کوشش کی گئی جس میں اے ٹی ایم مشین کاٹنے کے دوران اچانک آگ بھڑک اٹھی ، جس کی وجہ سے نوٹوں کے بنڈل جل کر راکھ ہوگئے۔
بینک کے افسران کے ذریعہ پوری رقم ملاکر تھانہ میں تحریری درخواست دی گئی ہے ، جس کی بنیاد پر پولیس کارروائی کررہی ہے ۔ اس معاملے کے حوالے سے سی سی ٹی وی میں دو مجرم کی تصویر انووا گاڑی کے ساتھ قید ہے۔
معلومات کے مطابق دونوں اے ٹی ایم سے چوری کا واقعہ ایک ہی مجرم گروہ نے انجام دیا ہے۔
ڈوبھی میں پی این بی اے ٹی ایم کے قریب واقع پٹرول پمپ کے سی سی ٹی وی میں انووا کار سے گیس کا کٹر لے جانے والے دو مجرموں کا فوٹیج قید ہوا ہے۔
شیرگھاٹی کے اے ٹی ایم پر بھی چوری کا واقعہ ان ہی مجرموں کے ذریعے ہی انجام دیا گیا ہے۔ ایس ایس پی راجیو مشرا نے واقعے کی تصدیق کرتے ہوئے کہا کہ پولیس سی سی ٹی وی فوٹیج کی بنیاد پر مجرموں کی شناخت کر رہی ہے اور جلد ہی ان مجرموں کو گرفتار کرکے پورے گینگ کے خلاف کارروائی کرے گی۔
