پولیس ذرائع نے بتایا کہ دیوریا جیل کے فرار دو ملزمین کو پونگاہاٹ کے نزدیک موجود ہونے کی اطلاع پولیس کو ملی تھی۔ پولیس نے علاقے کی گھیرا بندی کرکے دونوں کو گرفتار کرلیا۔ انہوں نے بتایا کہ گرفتار علی احمد کے خلاف ضلع کے کئی تھانوں میں پاکسو، گینگسٹر سمیت نو مجرمانہ معاملے درج ہیں جبکہ محمد احمد کے خلاف چار معاملے درج ہیں۔
انہوں نے بتایا کہ پولیس ان کی گرفتاری کے لیے مسلسل چھاپہ ماری کر رہی تھی۔ دونوں کی گرفتاری کے لیے پولیس نے 25۔25 ہزار روپے کے انعام کا اعلان کیا تھا۔ دونوں کو جیل بھیج دیا گیا ہے۔
ملحوظ رہے کہ دھوم گنج پونگاہاٹ پل کے نزدیک رہنے والے پراپرٹی ڈیلر محمد زید کا گذشتہ برس اغوا کرکے دیوریا جیل لے جانے والوں میں علی محمد اور محمد احمد شامل تھے۔ جیل میں قید سابق رکن پارلیمان عتیق احمد پشت پناہی میں پراپرٹی ڈیلر کی پٹائی کی گئی تھی۔ دیوریا سے لوٹنے کے بعد زید کی تحریر پر دھوم گنج میں عتیق احمد سمیت 15 لوگوں کے خلاف مقدمہ درج کیا گیا تھا۔ تبھی سے یہ دونوں فرار تھے۔
