ریاست اترپردیش کے ضلع جونپور میں حضرت محمد صلی اللہ علیہ وسلم کی بیٹی حضرت فاطمہ زہرا کی یاد میں جامعہ امام جعفر صادق واقع صدر امام باڑہ بیگم گنج میں مجلس کا انعقاد کیا گیا، جس میں ملک کے علماء کرام و مشہور سوز خوانوں نے شرکت کی۔
وہیں سوز خوانوں نے جب مصائبی قصیدہ خوانی کی تو موجودہ لوگ اپنے آنسؤں کو نہ روک سکے۔
ساتھ ہی حضرت فاطمہ زہرا پر ہوئے مصائب و آلام کو یاد کرتے ہوئے لوگ گریہ و زاری کرتے نظر آئے۔
مولانا صفدر حسین زیدی نے بتایا کہ شہزادی فاطمہ زہرا کی پوری زندگی صرف اللّٰہ کو راضی کرنا اس کی بندگی کرنا اور انسانیت کو اس کے اعلیٰ منزلت تک پہونچا دینا تھا۔
شہزادی کا یہی اصلی مقصد تھا جو انہیں اپنے والد سے اور فطری طور پر ملا ہوا تھا۔
مولانا صفدر حسین زیدی نے کہا کہ شہزادی نے ہر عہد کے ظالم کے ظلم کے خلاف آواز بلند کرکے سرفرازی و سر بلندی حاصل کی ہے اور یہ تعلیم دی کہ وقت پڑنے پر ظلم کے خلاف آواز بلند کی جائے۔
اس موقع پر سوز خوانوں نے اپنے اپنے کلام پیش کیے اور علماء کرام نے مجلس کو خطاب کرکے عقیدت و محبت کا پیغام دیا۔
