اترپردیش کے مرادآباد میں ڈی ایم دفتر کے باہر دھرنے پر بیٹھی ایک ماں ضلع پولیس انتظامیہ سے درخواست کر رہی ہے کہ وہ ان کی 13 سالہ بیٹی کو تلاش کرکے جلد سے جلد بیٹی کو بازیاب کرائے۔ دھرنے پر بیٹھی ایک ماں اپنی پڑوسی پر الزام عائد کرتے ہوئے کہا کہ ان کی بیٹی کو پڑوسی وشنو شرما بھگا کر لے گیا ہے۔
گمشدہ لڑکی کی والدہ کمکم نے بتایا کہ وشنو شرما کے خلاف مرادآباد کے تھانہ ماجھولا میں کیس درج کیا گیا تھا، لیکن اس معاملے میں ابھی تک کسی کو گرفتار نہیں کیا گیا ہے۔
دھرنے پر ماں نے کہا کہ ہم پولیس انتظامیہ سے مطالبہ کرتے ہیں کہ میری بیٹی کو جلد سے جلد تلاش کیا جائے۔
یہ بھی پڑھیں: میرٹھ: عیدگاہ پر نہیں بلکہ مساجد میں ہوگی نماز عیدالاضحیٰ
اس معاملے میں ایس پی سٹی امید آنند نے گمشدہ لڑکی کی والدہ کو یقین دہانی کرائی ہے کہ وہ ان کی بیٹی کو جلد از جلد بازیاب کرائیں گے اور اس معاملے میں ملوث تمام ملزمین کے خلاف سخت کارروائی کی جائے گی۔
