ریاست اُتر پردیش کے ضلع مظفر نگر میں گزشتہ روز مولانا سید ارشد مدنی کے حکم پر مظفر نگر جمیعت العلما کے ضلعی نائب صدر حاجی عزیز الرحمن نے ڈی ایم صاحبہ اور اے ڈی ایم صاحب سے تبلیغی جماعت کے افراد کی گھر واپسی کے سلسلے میں ملاقات کی تھی۔
اس میں ملاقات میں تبلیغی جماعت کے افراد کی گھر روانگی پر تبادلہ خیال ہوا اس انہیں گھر روانہ کیا گیا۔
بتادیں کہ تبلیغی جماعت کے افراد کو گھر پہنچانے کا ایک مسئلہ درپیش تھا جو لاک ڈاؤن کی وجہ سے ضلع مظفر نگر میں پھنسے ہوئے تھے۔
حاجی عزیز الرحمن نے اپنی پوری ٹیم کے ساتھ میدان عمل میں اترے اور ضلع میں 400 افراد پر مشتمل جماعت کی اجازت ضلع انتظامیہ سے جاری کرائی اور اب تک 350 افراد بذریعہ بس روانہ کئے گئے۔
اس موقع پر جماعت کے افراد نے جمعیت العلماء کا شکریہ بھی ادا کیا، ان میں قصبہ جانسٹھ سے دہرادون کے لیے 10، پور قاضی سے جھارکھنڈ کے لیے 17، میراں پور سے جھمکھنڈی کے لیے 12، بگھرہ سے جھارکھنڈ کے لیے 15، شاہ پور سے دربھنگہ کے لیے 13، جولا سے آسام کے لیے 11، کھتولی سے بہار پٹنہ کے لیے 9، کھتولی سے بیگو سرائے کے لیے 15، تلنگانہ امین آباد 13، امراوتی 15، دہلی کے لیے 10، ہردوئی کے لیے 17، کٹیسرہ سے چمبا ہماچل کے لیے 13، بڈھانہ سے سیلم کے لیے 8، بڈھانہ سے الور دلی کے لیے 13 یہ تمام افراد کی کل تعداد 350 ہے۔
حاجی عزیزالرحمن نے اس موقع پر کہا کہ 'یہ وہ جماعتیں تھیں جو اچانک لاک ڈاؤن جاری ہوجانے کی وجہ سے الگ الگ مقامات پر پھنس گئی تھی اور مولانا ارشد مدنی کے حکم پر ہم نے یہ کو شش کی جس میں ہمیں کامیابی مل گئی ہے۔
اس موقع پر مولانا شاہنواز قاسمی(صدر جمعیۃ علماء شہر مظفر نگر)، قاری کلیم قاسمی، مفتی دانش قاسمی انصاری، مفتی مجیب الرحمن قاسمی عزیزی، مفتی دانش اخلاق قاسمی، مولانا عبد اللہ قاسمی، محمد حسین، مولانا عمران، مفتی ندیم قاسمی، حاجی اکلیم، حاجی مزمل، بھائی محمد ارشد وغیرہ موجود رہے۔
