پولیس سپرنٹنڈنٹ سلمان تاج پاٹل نے بتایا کہ پراسپانی میں رہنے والے رام بہادر کے بیٹے رام بھروسے کی بارات سنیچر کو کھلٹ گوا آملہ دھام کے نزدیک گئی تھی۔
شادی کے بعد گاڑی باراتیوں کو لیکر سنیچرکی صبح واپس گاؤں آرہی تھی۔ انہوں نے بتایا کہ ڈالا چڑھائی پر واقع وارانسی۔شکتی نگر روڈ پر باراتیوں کی گاڑی اہم شاہراہ پر خراب کھڑے ٹرک سے ٹکراگئی۔
اس حادثہ میں زخمی تمام باراتیوں کو ہسپتال بھیجا گیا جہاں ڈاکٹر نے 55سالہ امرناتھ کو مردہ قرار دے دیا جبکہ 35سالہ ایک زخمی سریش کی بعد میں موت ہوگئی۔ انہوں نے بتایا کہ زخمی ڈرائیور اور باراتیوں کو کمیونٹی ہیلتھ سنٹر چوپن میں داخل کرایا گیا۔ بعد میں بری طرح زخمی کئی لوگوں کو وارانسی ٹراما سنٹر بھیجا گیا۔
