ادھم پور میں یوم عالمی فارماسسٹ منایا گیا

یوم فارماسسٹ کے موقع پر جموں و کشمیر کے ادھمپور میں تقریب کا اہتمام کیا گیا، جس میں سرکار کے غلط رویے پر افسوس کا اظہار کیا گیا۔

عالمی یوم فارماسسٹ کے موقع پر ادھم پور میں پروگرام کا انعقاد کرکے درپیش مسائل پر تبادلۂ خیال کیا گیا۔ اس موقع پر ضلع ادھم پور کے بہت سے فارماسسٹس کی ایک بڑی تعداد نے شرکت کی۔

فارماسسٹس نے اس موقع پر کہا کہ انہیں یہاں بہت سے مسائل کا سامنا ہے۔ انہوں نے اپنے حقوق کے لیے کئی بار احتجاج کیا، لیکن حکومت نے ان کے مطالبات پر کوئی توجہ نہیں دی۔ اس موقع پر انہوں نے ایل جی انتظامیہ سے مطالبہ کیا کہ ان کے زیر التوا مطالبات کو جلد از جلد پورا کیا جائے۔

فارماسسٹس وہ واحد ملازم ہیں جو لوگوں کی مدد کے لیے ہمیشہ آگے ہوتے ہیں، لیکن حکومت ان کے مطالبات کے بارے میں سنجیدگی نہیں دکھارہی ہے۔