ادھم پور: جموں و کشمیر کے ادھم پور ضلع کے سمرولی علاقے میں امرناتھ یاتریوں کی گاڑی پل پر ڈیوائیڈر سے ٹکرا گئی۔ پولیس اور سی آر پی ایف نے مسافروں کو گاڑی سے باہر نکالا۔ اس حادثے میں پانچ یاتری زخمی ہو گئے۔ زخمی مسافروں کو جی ایم سی ادھم پور منتقل کر دیا گیا ہے۔ یہ گاڑی جموں کے بیس کیمپ بھگوتی نگر سے بلتل یاترا کا حصہ تھی اور ادھم پور کے قریب سمرولی پہنچنے پر ڈرائیور سے گاڑی بے قابو ہوگئی جس کی وجہ سے یہ حادثہ پیش آیا۔
اس میں یوپی کے پریاگ راج کے چار یاتری اور ایک مقامی ڈرائیور زخمی ہو گئے۔ فوری طور پر جموں و کشمیر پولیس اور سی آر پی ایف کے سکیورٹی اہلکاروں نے زخمیوں کو چنانی کے سب ڈسٹرکٹ ہسپتال میں داخل کرایا۔ اس کے مناسب علاج کے لیے اسے ادھم کے جی ایم سی منتقل کیا گیا، جہاں یہ زیر علاج ہیں۔ یہ یاتری ٹھیک ہونے کے بعد دوبارہ یاترا میں شامل ہوں گے۔
مزید پڑھیں: Amarnath Yatra 2023 قریب آٹھ ہزار یاتریوں پر مشتمل 10واں گروپ جموں سے روانہ
زخمی ہونے والوں میں گاڑی کے ڈرائیور سمیت 60 سالہ امر ناتھ پانڈے ولد بھیکھی پانڈے، 58 سالہ سرلا پانڈے بیوی امرناتھ پانڈے، 58 سالہ بیج ناتھ مشرا ولد رامسویت مشرا، 55 سالہ سنیتا مشرا شریک حیات بیج ناتھ مشرا شامل ہیں۔ یہ تمام رہائشی اترپردیش کے پراگ راج کے رہائشی ہیں۔
