ادھم پور: رمضان میں گھر میں نماز ادا کرنے کی اپیل

اجلاس میں سبھی اراکین اس بات سے متفق ہوئے کہ کورونا کے پیش نظر رمضان میں کم ہی لوگ عیدگاہ میں آئیں۔ واضح رہے کہ ادھم پور میں نماز تراویح کا اہتمام عیدگاہ میں کیا جاتا ہے۔

ضلع ادھم پور کے آدرش کالونی میں واقع عیدگاہ میں مسجد کی کمیٹی کی جانب سے ایک اجلاس منعقد ہوا۔ اجلاس میں کورونا دور میں احتیاط برتنے پر تبادلہ خیال کیا گیا۔

اجلاس میں سبھی اراکین اس بات سے متفق ہوئے کہ کورونا کے پیش نظر رمضان میں کم ہی لوگ عیدگاہ میں آئیں۔ اجلاس میں لوگوں سے اپیل کی گئی کہ جتنا ممکن ہو سکے لوگ اپنے علاقے کی مساجد میں اور گھروں میں ہی نماز ادا کریں۔ اس کے علاوہ لوگوں سے ویکسین لگوانے کی اپیل کی۔

رمضان کے تعلق سے ضلع انتظامیہ نے گزشتہ دنوں ہدایات جاری کی تھی۔

مسجد کمیٹی کے صدر تنویر نے کہا کہ پھر سے کورونا کے کیسیز میں اضافہ ہو رہا ہے۔ اس لیے عیدگاہ میں بھیڑ جمع نہیں ہونے دی جائے گی۔