بی جے پی کی رہنما کا تلنگانہ حکومت پر سنگین الزام

ریاست تلنگانہ کا دوباک حلقہ اس وقت سرخیوں میں ہے کیونکہ یہاں ضمنی انتخاب ہونے والا ہے۔ دوسری طرف حکومت اور اپوزیشن اس حلقے میں جیت کے لیے تمام تر کوششوں میں مصروف ہیں اور ایک دوسرے پر الزام تراشی کا سلسلہ جاری ہے۔

بی جے پی کی قومی نائب صدر ڈی کے ارونا نے الزام لگایا ہے کہ ریاست کی حکمران جماعت ٹی آر ایس، جھوٹ پھیلاتے اور ووٹرز کو بلیک میل کرتے ہوئے دوباک اسمبلی حلقہ کے ضمنی انتخاب میں کامیابی حاصل کرنا چاہتی ہے۔

انہوں نے میڈیا سے بات کرتے ہوئے الزام لگایا کہ ٹی آر ایس رہنما رائے دہندوں کو دھمکارہے ہیں اور یہ کہہ رہے کہ اگر ضمنی انتخاب میں ٹی آر ایس کے امیدوار کو ووٹ دے کر کامیاب نہیں کیا گیا تو رائتو بیمہ، آسرا پنشن اور دیگر سرکاری مراعات سے محروم کر دیا جائے گا۔