حیدرآباد میں گنیش چترتھی کا پرامن اختتام

گریٹر حیدرآباد میونسپل کارپوریشن اور سٹی پولیس نے پریس کانفرنس میں کہا کہ 'تہوار کے دوران متعلقہ محکموں کو عوام کی جانب سے بہتر تعاون حاصل ہوا ہے۔'

میئر حیدرآباد بی رام موہن اور حیدرآباد پولیس کمشنر نے کہا کہ عوام کے تعاون کے بغیر گنیش جلوس کا پرامن اختتام ممکن نہیں تھا۔

کمشنر بلدیہ لوکیش کمار نے انتظامات سے متعلق تفصیلات فراہم کرتے ہوئے بتایا کہ جی ایچ ایم سی کے زیرانتظام علاقوں سے تقریبا ایک لاکھ مورتیوں کا وسرجن عمل میں آیا۔ انہوں نے مزید کہا کہ جمعہ کے روز دوپہر تک وسرجن کا سلسلہ جاری تھا۔لوکیش کمار نے بتایا کہ جی ایچ ایم سی کا عملہ سڑکوں کی صاف صفائی کر رہا ہے جبکہ حسین ساگر سے گنیش مورتیوں کی نکاسی کا کام تین روز میں مکمل کرلیا جائے گا۔