تلنگانہ کے سرکاری اسکولز میں طلبہ کے داخلوں کی تعدادمیں اضافہ ہورہا ہے جس کے پیش نظر ان اسکولس کے اساتذہ کی تنظیموں نے ودیاوالنٹرز کی تقرری کا مطالبہ کیاہے۔
کوویڈ اور دوسری وجوہات کی بنا پر پرائیویٹ اسکولس سے سرکاری اسکولس منتقل ہونے والے طلبہ کی تعدادمیں حالیہ دنوں کے دوران ریاست میں اضافہ ہوا ہے۔
اول جماعت کو چھوڑ کر دیگر جماعتوں میں تقریبا ایک لاکھ طلبہ کے داخلے ہوئے ہیں۔سرکاری اسکولس میں طلبہ کی تعداد میں اضافہ دیکھاگیا ہے۔قبل ازیں بند اسکولس میں طلبہ پھر سے تعلیم حاصل کرنے کے لئے آرہے ہیں جس سے ان کی تعداد میں اضافہ ہوگیا ہے۔اس کو دیکھتے ہوئے اساتذہ پر کام کے بوجھ کو کم کرنے کے لئے ان اساتذہ کی تنظیموں نے ودیاوالنٹرس کی تقرری کا ریاستی حکومت سے مطالبہ کیا ہے۔
یہ بھی پڑھیں:'تلنگانہ: تائیوان کی سرمایہ کاری کو خصوصی ترجیح دی جائے گی: تارک راما راؤ
سال 2019میں سرکاری اسکولس میں 18ہزار ودیاوالنٹرس کی تقرری کا کام کیاگیا تھا تاہم اساتذہ کی تقرری کے بعد ان ودیاوالنٹرس کی خدمات برخواست کردی گئی تھیں۔
مارچ2020میں کورونا کی وجہ سے اسکولس بند کردیئے گئے۔اساتذہ کی تنظیموں کا کہنا ہے کہ تب تقریبا 15000ودیاوالنٹرس کام کررہے تھے۔تعلیمی سال 2020-21کے دوران ایک بھی ودیاوالنٹر کی تقرری نہیں کی گئی۔
یواین آئی
