تلنگانہ کے وزیر اعلی کے چندر شیکھر راو دہلی سے حیدرآباد روانہ ہوگئے ہیں۔ وزیر اعلی نے اپنے تین دوزہ دہلی دورے کے دوران وزیر اعظم نریندر مودی اور متعدد مرکزی وزرا سے ملاقات کی۔
ہفتے کے روز انھوں نے وزیر اعظم مودی، مرکزی شہری ترقیاتی امور کے وزیر سے ملاقات کی۔ اس سے قبل، انہوں نے مرکزی وزیر داخلہ امیت شاہ اور آبپاشی کے وزیر سے ملاقات کی۔اور ریاست سے متعلق امور پر تبادلہ خیال کیا۔
کےسی آر نے تلنگانہ میں میں 6 گھریلو ایرپورٹز کے قیام سے متعلق مرکزی وزرا سے تبادلہ خیال کیا۔ اور یہ اپیل کی کہ اس معاملے میں مرکز فوری فیصلہ کرے۔ اس کے علاوہ وزیر اعلی کے سی آر نے ریاست کو فنڈز دینے اور ترقی میں حصہ ادا کرنے کی بھی اپیل کی ہے۔
تجزیہ نگاروں کا کہنا ہے کہ کے سی آر کا دہلی دورہ حکمت کے تحت ہے۔بی جے پی کے تلنگانہ میں بڑھتےقدم اور پچھلے انتخابات میں بی جے پی کے بہتر مظاہرے کے پس منظر میں کیا گیا دورہ ہے ۔ کیونکہ مستقبل میں وزیر اعلی کے سی آر کے پاس یہ جواز موجود رہے گا کہ انھوں نے مرکز سے ریاست کو فنڈز دینے اور اس کی ضرورت کو پوارا کرنے کی اپیل کی تھی۔
یہ بھی پڑھیں:'مرکز غریبوں کو کارپوریٹ ہیلتھ کیئر فراہم کررہی ہے'
