یہ واقعہ ونئے نگر میں واقع تلنگانہ حکومت کے تحت چلائے جانے والے حیدرآباد کے ایک ریزیڈنشل اسکول کے گرلز ہاسٹل میں پیش آیا۔
ہسپتال ذرائع کے مطابق تقریبا تیس لڑکیوں کو علی الصبح پیٹ درد کی شکایت کے بعد ہسپتال لایا گیا اور اُن کا علاج جاری اور ممکنہ طور پر شام تک اسکول روانہ کیا جائے گا۔
چھ ماہ کے اندر ریزیڈنشل اسکول میں فوڈ پوائزننگ کا یہ دوسرا واقعہ ہے اس سے قبل بھی چار مینار ریزیڈنشل اسکول فار گرلز میں اس طرح کا واقعہ پیش آچکا ہے۔
رکن اسمبلی نام پلی جعفر حسین معراج نے ای ٹی وی بھارت سے بات کرتے ہوئے بتایا کہ وہ ریزیڈنشل اسکول میں فوڈ انسپکٹر کے تقرری کیلئے نمائندگی کریں گے۔
تلنگانہ کے وزیر داخلہ محمد محمود علی نے بتایا کہ حکومت آئندہ اس طرح کے واقعات پر قابو پانے کے اقدامات کریگی۔
ڈسٹرکٹ مائینارٹی ویلفئیر آفیسر قاسم حسین نے دواخانہ پہنچ کر لڑکیوں کی عیادت کی۔
