امریکہ میں مقیم ریاست تلنگانہ کا ایک نوجوان تلنگانہ کے وزیر بلدی نظم ونسق کے تارک راما راو کو ان کی سالگرہ کے موقع پر خصوصی تحفہ دینا چاہتا ہے۔ اروند نامی یہ نوجوان تارک راما راو کا مداح ہے۔ اس نے تارک راما راو کے 108 اسکیچ تیار کیے ہیں۔
حیدرآباد کے اشوک نگر آرٹی سی چوراہا علاقہ میں رہنے والا اروند دو دہائی قبل امریکہ ملازمت کے لئے گیا تھا۔ اس نے وہاں اُوپس گروپ تشکیل دیا۔ وہ سان فرانسسکو سے یہ گروپ چلاتا ہے۔
حال ہی میں اس نے کورونا وائرس سے ہوئے لاک ڈاؤن کے عرصہ کے دوران کے تارک راما راو کے اسکیچس کی تیاری کا کام شروع کیا۔ اس نے تارک راما راو کے 108 اسکیچس تیار کئے۔
یہ بھی پڑھیں: قطب اللہ پور رکن اسمبلی کورونا مثبت
اروند نے کہا کہ 'وہ یہ اسکیچس تارک راما راو کی اس ماہ کی 24 تاریخ کو ہونے والی سالگرہ کے موقع پر تحفہ کے طور پر ان کو پیش کرے گا۔
