ہائیکورٹ کی اجازت کے بعد آج احتجاجی ملازمین کی جوائنٹ ایکشن کمیٹی نے حیدرآباد کے سرونگر میں واقع اسٹیڈیم میں جلسہ منعقد کیا۔
روڈ ٹرانسپورٹ کارپوریشن کو حکومت میں ضم کرنے کے مطالبہ کے تحت جاری ہڑتال کے 26 ویں دن سرورنگر اسٹیڈیم میں سکالاجنولاسمے کے عنوان پر احتجاجی جلسہ منعقد کیا گیا۔
احتجاجی جلسہ میں مختلف اپوزیشن پارٹیوں کے نمائندوں نے شرکت کی اور ملازمین کی حمایت کا اعلان کیا۔ جلسہ میں آر ٹی سی ملازمین اور ان کے افراد خاندان کی کثیر تعداد نے شرکت کی۔
اس موقع پر آر ٹی سی جے اے سی کے کنوینر اشوتماریڈی نے مقصد حاصل ہونے تک اپنے احتجاج کو جاری رکھنے کا ہڑتالی ملازمین سے مطالبہ کیا۔ انہوں نے مزید کہا کہ ریاست تلنگانہ کے حصول کےلیے آرٹی سی ملازمین کی قربانیاں ناقابل فراموش ہیں۔
احتجاجی جلسہ سے مختلف سیاسی جماعتوں کے نمائندوں نے بھی مخاطب کیا۔ اس موقع پر جلسہ گاہ کے اطراف و اکناف ٹریفک جام ہونے کی وجہ سے مسافرین کو مشکلات کا سامنا کرنا پڑا۔
