ممبئی: آل انڈیا مجلس اتحاد المسلمین کے صدر اور رکن پارلیمنٹ اسد اویسی آج ایک کیس کے متعلق مہاراشٹر کی ناندیڑ عدالت نے میں پیش ہوئے جہاں عدالت نے انہیں ضمانت بھی دے دی۔ دارصل 2011 میں ان پر بلدیاتی الیکشن میں بغیر اجازت ریلی نکالنے کے الزام میں فرد جرم عائد کی گئی تھی اور ان کے خلاف گرفتاری کا وارنٹ بھی جاری کیا گیا تھا کیونکہ سمن کے باوجود اویسی حاضر نہیں ہوئے تھے۔ اویسی بالآخر آج عدالت میں پیش ہوئے اور عدالت نے جرمانہ عائد کرتے ہوئے ان کی ضمانت منظور کر لی۔
وہیں آج اویسی کی عدالت میں پیشی کو دیکھتے ہوئے سخت سکیورٹی کا بھی انتظام کیا گیا تھا اور ناندیڑ کی عدالت میں اضافی پولیس فورس بھی تعینات کر دی گئی تھی۔ اسد الدین اویسی نے 2011 کے ناندیڑ میونسپل الیکشن کے دوران شہر کے دیوگلور ناکہ کمپلیکس میں ایک ریلی سے خطاب کیا تھا جس کی وجہ سے اویسی کو ضابطہ اخلاق کی خلاف ورزی پر قانونی کارروائی میں بھی نامزد کیا گیا اس پر ججوں نے اویسی کے خلاف 500 روپے کا جرمانہ عائد کیا۔
یہ بھی پڑھیں:
ناندیڑ میں صحافیوں سے بات کرتے ہوئے اس دوران اسد الدین اویسی نے کہا کہ ہر کوئی کہہ رہا ہے کہ یکساں سول کوڈ مسلمانوں کو سبق سکھانے کے لیے لایا جارہا ہے لیکن یہ مشترکہ قانون پورے ملک کے لیے اچھا نہیں ہے۔ اگر ملک میں یکساں سول کوڈ نافذ ہوتا ہے تو اس سے غیر مسلمین زیادہ متاثر ہوں گے۔
